საქართველოს
ეკონომიკისა და მდგრადი განვითარების
სამინისტრო

საქართველოს კანონმდებლობის შესაბამისად, ლიცენზიის/ნებართვის აღებას ექვემდებარება ისეთი საქმიანობა ან ქმედება, რომელიც რეგულირდება სახელმწიფოს მიერ და ხასიათდება ადამიანის სიცოცხლისთვის ან ჯანმრთელობისთვის მომეტებული საფრთხით, მოიცავს განსაკუთრებით მნიშვნელოვან სახელმწიფო ან საზოგადოებრივ ინტერესებს ან დაკავშირებულია სახელმწიფო რესურსებით სარგებლობასთან. ამასთან, სახელმწიფო რეგულირება ხორციელდება მხოლოდ მაშინ, თუ ლიცენზიის ან ნებართვის გაცემით რეალურად შესაძლებელია აღნიშნული საფრთხის შემცირება ან სახელმწიფო ან საზოგადოებრივი ინტერესების გათვალისწინება..

ლიცენზია - ადმინისტრაციული ორგანოს მიერ ადმინისტრაციული აქტის საფუძველზე პირისათვის კანონით დადგენილი პირობების დაკმაყოფილების საფუძველზე მინიჭებული განსაზღვრული საქმიანობის განხორციელების უფლებას. ლიცენზიის სახეები:

• საქმიანობის ლიცენზია – ლიცენზიის სახეობა, რომლითაც პირს ენიჭება „ლიცენზიებისა და ნებართვების შესახებ“ კანონით ლიცენზირებას დაქვემდებარებული საქმიანობის განხორციელების უფლება. საქმიანობის ლიცენზია გაიცემა მაძიებლის მიერ კანონით დადგენილი პირობების დაკმაყოფილების შემდეგ და უკავშირდება სუბიექტს. საქმიანობის ლიცენზიის მემკვიდრეობით ან სხვა სახით გადაცემა დაუშვებელია
• სარგებლობის ლიცენზია – ლიცენზიის სახეობა, რომლითაც პირს ენიჭება „ლიცენზიებისა და ნებართვების შესახებ“ კანონით განსაზღვრული სახელმწიფო რესურსებით სარგებლობის უფლება. სარგებლობის ლიცენზია უკავშირდება ობიექტს, ხოლო ლიცენზიის მფლობელი უფლებამოსილია დაყოს სარგებლობის ლიცენზია ან/და მთლიანად ან ნაწილი გადასცეს სხვა პირს, მათ შორის, მემკვიდრეობით.

ნებართვა – „ლიცენზიებისა და ნებართვების შესახებ“ კანონით გათვალისწინებული, განსაზღვრული ან განუსაზღვრელი ვადით ქმედების განხორციელების უფლება, რომელიც უკავშირდება ობიექტს და ადასტურებს ამ განზრახვის კანონით დადგენილ პირობებთან შესაბამისობას. შესაძლებელია ნებართვის გადაცემა სხვა პირისთვის, თუ ეს კანონით არ არის აკრძალული ან ნებართვა არსობრივად არ არის დაკავშირებული მის მფლობელთან.

ლიცენზიებისა და ნებართვების ნუსხა 

• საქმიანობის ლიცენზიების ნუსხა
• სარგებლობის ლიცენზიების ნუსხა
• ნებართვების ნუსხა